DAVAO CITY – Giduso karon sa City Council ang balaudnon nga nagsugyot sa tanan nga mga motorcycle users, kalakip na ang driver ug pasahero nga mosuot ug reflectorized vests sa higayon nga mobiyahe sa mga kadalanan sa dakbayan ilabi na panahon sa kagabhion.
Sumala pa kang Konsehal Jesus Joseph Zozobrado, nga pinaagi sa maong ordinansa, mahatagan ug dugang giya ug seguridad ang mga motorcycle drivers ilabi na nga makita kini bisan pa man ngitngit ang dalan.
Samtang gibutyag sa Davao City Police Office–Traffic Group (DCPO-TG), nga nakatala sila ug unom ka kaso sa aksidente sa motor sa Mayo samtang 7 ka kaso sa Hunyo ning kasamtangan nga tuig gumikan sa reckless imprudence resulting to homicide.
Samtang ang DCPO-TG nakarehistro ug 17 ka kaso sa bulan sa Mayo ug 16 sa Hunyo tungod sa reckless imprudence resulting to serious physical injury.
