DAVAO CITY- Giuyonan sa usa ka political analyst ang matud pa pagsulod sa China sa nagkadaiyang sektor sa nasud Pilipinas.
Sumala pa ni Political Analyst Ramon Beleno III, nga nakasulod na ang nahisgutang nasud sa nagkadaiyang aspeto sa Pilipinas diin makonsiderang hulga ug problematic alang sa mga pilipino.
Dugang pa niini nga ang mga aksyon nga ginabuhat sa China sa atong nasud ang kinahanglang pagabantayn gumikan dili lamang hard power ang gigamit niini kondi kalakip na ang soft power kon diin ginaimpluwensyahan ang katawhan.
Nahimong basehan sa nahisgutan ang paglingkod ni Alice Guo sa Bamban Tarlac isip mayor nga ning kasamtangan nag-atubang na og daghanang kaso gumikan sa kalambigitan sa POGO hub.
Sumala pa political anlayst, naway magsilbing lesson ang maong panghitabo nga dili magpataka og pagsalig hilabi pa sa mga nagpaka-aron-ingnong maayo apan spiya sa China.
Kahinumduman nga una ng nagpasidaan si Armed Forces of the Philippines (AFP) Chief Gen. Romeo Brawner Jr. sa pagsulod sa China sa nagkadaiyang sektor sa Pilipinas lakip na ang media ug lokal nga kagamhanan.
Matod pa sa opisyal, gi-target sa China ang sektor sa edukasyon, negosyo, media ug lokal nga kagamhanan sa nasud aron nga maimpluwensyahan ang katawhang pilipino.
Gumikan niini, giwahag sa nahisgutan ang mga pinoy nga mahimong igmat sa mga taktikang ginahimo sa China.
