DAVAO CITY – Gipasalig sa Department of Education (DepEd) nga mo-agi sa tukmang proseso ang pagpa-sira sa mga tulunghaan sa Salugpongan luyo sa pagpamugos sa militar nga angayang pakgangon na ang operasyon niini gumikan sa kalambigitan sa New Peoples Army (NPA).
Gikanayon ni DepEd Secretary Leonor Briones, nag-sunod sila sa estriktong mga guidelines sa paghatag ug mga permit sa mga alternative educational systems, lakip na ang Salugpongan schools.
Kini ang gilangkuban sa tukmang mga kondisyon sama na lamang sa tukmang ihap sa mga estudyante, mga magtutudlo, pagbaton og permanent venue ug regular nga pagpahigayon ug klase ug labaw sa tanan ngayang integrated sa general curriculum sa DepEd ang curriculum usab niini.
Kahinumduman nga niadtong Abril, aling grupo sa mga tribal leaders ang mi-apela sa gobyerno gumikan sa kalangay sa Deped sa pagtubag sa ilang hangyo alang sa hinanaling pagpasira sa Salugpongan Ta’tanu Igkanugon Community Learning Center Inc. nga natukod sa ilang tuyang kabilin.
Samtang gikanayon usab ni DepEd XI Regional Director Alberto Escobarte, nga gawas sa 73 ka mga Salugpongan schools nga gihatagan og temporary authority to operate sa DepEd alang sa sunod school year, 37 lamang ang nagbaton og pending applications for renewal.
Ang nahabiling ihap wala mi-apply og renewal gumikan sa kakulangon sa mga enrollees.
Nagtigum na ang AFP og mga ebidensiya alang sa kasong ipasaka, una ang DepEd hingpit nga mopasira sa maong mga Salugpongan schools.
