Paimbestigahan na sa Department of Justice ang pagsibat sa nasud ang gipalagpot nga Bamban, Tarlac Mayor nga si Alice Guo. Gipasalig sa DOJ nga patubagon sa ahensya ang kinsa man ang responsabling opisyal o indibidwal nga nagpaluyo sa agsibat ni Guo.
Sumala pa ni spokesman Atty. Mico Clavano nga dili kini ordinaryong hisgutanan nga baliwalaon lamang tungod usa kini ka asudnon nga hisgutanan.
Nasayran nga niadtong June gipailawom si Guo sa Immigration Lookout Bulletin Order (ILBO) kung diin gitahasan niini ang tanang immigration officers nga ialerto ang otoridad kung mosulay ug biya sa nasud si Guo.
Samtang gikumpirma sab kini ni Presidential Anti-Organized Crime Commission spokesperson Dr. Winston Casio nga nakasibat na si Guo sa Pilipinas ug tulo ka mga nasud sa Southeast Asia ang napadulngan niini kung diin ang labing ulahi mao ang Indonesia.
Miabot sumala pa si Guo sa Kuala Lumpur, Malaysia niadtong July 18 gikan sa Denpasar, Indonesia via Batik Air 177.
Nakaabot sab sa Singapore gikan sa Kuala Lumpur via Jetstar Asia 686 niadtong July 21 ug August 18 nakaabot kini sa sa Batham, Indonesia gikan sa Singapore pinaagi sa ferry boat.
