DAVAO CITY – Nahimong tensiyonado ang serve sa search warrant sa mga tropa sa Special Action Force ug sa Criminal Investigation and Detection Group sa Kingdom of Jesus Christ. Sumala pa ni Jhon Paul Pantoja, security guard sa maong lugar, napugos sila og sukol gumikan kay pugsanong gisulod sa mga personahe sa SAF ang Kingdom, rason nga ilaha kining gipugngan.
Matod niya, daghang mga batan-on ug babaye ang nangaangol, apan dali kining nakadawat og first aid.
Gikanayon ni P/Maj. Catherine Dela Rey, tigpamaba sa Police Regional Office XI, nga ang pagserve sa search warrant kabahin sa mandato sa mga law enforcers ug dili ni Pang. Ferdinand Marcos, Jr.
Sa laing bahin, kagahapon lamang, adlawng Dominggo, Hunyo 9 ning tuiga, duha ka helicopter ang nagbalik-balik ug nagtuyok-tuyok sa lugar ug aron motabang sa pagsuta sa gikahimutangan ni Quiboloy.
Matud pa nga mokabat sa usa gatos ka mga sakop sa SAF ug CIDG ang nahiabot sa KOJC ug nipahigayon og search operation sa tanang bahin sa kingdome lakip na usab sa Tamayong, diin usa usab sa mga luna nga gipanag-iyahan sa pastor.
Samtang, nagpaabot usab og mensahe si Kanhi Pangulong Rodrigo Duterte nga maoy nagpakalma sa mga supporters ni Quiboloy.
Nanawagan ang mga supporters ni Quiboloy ug hustisya kalakip na ang pagkanaog ni Pres.Ferdinand Marcos, Jr. sa iyang pwesto isip pangulo sa nasud.
