DAVAO CITY- Gibutyag sa Davao City Police Office (DCPO) nga nagmalampuson matud pa ang pagpatuman sa mga sumbanan nga giimplementa samtang gina obserba ang kalag-kalag 2024, lakip na usab nga nakaangkon kini og zero-incident nga record, gumikan sa pagpabilin sa seguridad ngadto sa mga nagkadaiyang bahin sa sementeryo ning dakabayan.
Sumala pa ni Acting City Director PCOL Hansel M. Marantan, nga pinaagi usab matud pa sa kooperasyon sa Local Government Unit sa Davao City, inubanan usab pagtinabangay sa publiko, nahimong nagmalampuson gayud ang pag obserba ug pag hinumdum sa UNDAS 2024.
Lakip sab sa pakigtimbayayong sa pipila ka mga ahensya sa gobyerno aron nga mapabilin ang kahapsay ug kalinaw sa syudad, diin nagpasalamat kini nga wala gayud makawang ang ilahang gihatag nga suporta gumikan naangkon gayud ang kahapsay sa palibot, pinaagi sa pag kab-ot sa zero-incident report.
