DAVAO CITY – Nagpadayag sa iyang kabalaka si Davao City Mayor Sara Duterte-Carpio ug pagka-alarma kalabot sa pagsaka sa teenage pregnancy nga gikonsidera karon isip national social emergency sa National Economic and Development Authority (NEDA).
Sa ulahing report, ang dakbayan sa Davao ang adunay pinakataas nga kaso sa teenage pregnancy sa tanan nga mga siyudad sa nasud.
Gikanayon sa Mayor nga kung ang usa ka menor de edad ang mabuntis, sigurado sumala pa nga maapektohan ang pagtuon niini.
Gikanayon sa 2017 National Demographic and Health Survey (NDHS) nga gipagula sa Philippine Statistics Authority (PSA), ang Davao Region nakatala ug pinakataas nga pregnancy rate sa nasud, gisundan sa Western Visayas ug Soccsksargen.
Nagpakita sumala pa kini nga 17.9 percent sa mga kabataan sa rehiyon nga edad 15 ngadto na 19 anyos ang nag-atiman na sa ilang mga anak ug doble pa ang pilo niini sa national average nga 8.6 percent.
