DAVAO CITY – Nabalaka karon ang usa ka grupo sa mga Nephrologist gumikan sa nagkataas nga kaso sa mga indibidwal nga nagbaton ug sakit sa kidney o mga pasyente nga mipailalom sa dialysis.
Sumala pa kang Dr. Franklin Guillano, chairman sa Southern Philippines Medical Center (SPMC) Nephrology section, nga sa kasamtangan anaa sa 40,000 ang nagapailalom sa dialysis gumikan sa sakit sa kidney ug makaalarm sumala pa ang padayon nga pagsaka niini.
Gitambagan na lamang sa nahisgutan ang publiko nga kanunay mag-ehersisyo ug mokaon ug masustansiya nga pagkaon.
Nasayran sab nga ang mga tawo nga adunay hypertension, kidney stone ug diabetes ang sagad makaangkon usab ug sakit sa kidney. Gikanayong ang sakit sa kidney ang usa sa mga nag-unang balatian nga sagad hinungdan sa kamatayon dini sa nasod.
