Gisugdan na sa Department of Justice (DOJ) ang pagrepaso sa mga kasamtangang balaod aron madetermina ang gikinahanglang mga amendment aron mapalig-on pa ang pakigbatok sa mga nagpakatap og fake news.
Sumala pa ni Justice Secretary Jesus Crispin Remulla, nga ang mga balaod sa cyberlibel ug uban pang balaod batok sa cybercrime apil usab sa gisusi.
Kini nunot sa panawagan ni Presidential Communications Office (PCOO) Acting Secretary Jay Ruiz alang sa regulasyon sa social media content.
Sumala pa ni Ruiz, nga ang sayop nga impormasyon nga gipakatag sa social media ang mahimong hulga sa nasudnong seguridad.
Dugang pa sa opisyal nga kinahanglan niini nga modangop sa Kongreso ug makigtambayayong sa mga magbabalaod sa paghimo og balaod batok sa troll army ug fake news.
