Hugtanong gipangimakak sa Police Regional Office XI nga dungan nga gipang-relieve ang dese nuebe ka mga station commanders sa Davao City Police Office gumikan sa taas nga ihap sa mga kasong rape ug pagpamatay sa syudad sa dabaw.
Gitin-aw ni PRO XI spokesperson Major Catherine dela Rey , kabahiin lamang sa trabaho sa regional director ang pag-assign ug ang pag-reassign sa mga opisyal sa kapulisan.
Nauna na usab nga gipahayag ni Dela Rey nga gipatuman ang relieve order sa nahisgutang mga opisyal subay na usab sa direktiba nga gipagawas ni PRO XI Regional Director Brig. Gen. Nicolas Torre.
Gibutyag usab sa tigpamaba sa PRO XI nga ang ginatumbok nga crime statistics sa mga nang-gawas nga report ang migawas kapin duha ka semana na ang nakalabay ayha pa man opisyal nga milingkod si Torre isip bag-ong regional diector sa PRO 11.
Samtang, subling gipamugos usab ni dela Ray nga mituman lamang sa iyang katungdanan si General Torre ug mihimo kini sa iyang trabaho isip labaw nga opisyal sa kapulisan sa rehiyon ug wala sumala pay sagol nga bisan unsa nga pamolitika ang gihimo niining pag-taktak sa dese nuebe ka mga station commander sa DCPO.
Ang maong pahayag ni dela Ray ang isip tubag sa pamahayag usab ni Mayor Baste Duterte nga nakaminus pag-ayo si General Torre sa pahingkamot sa kapulisan aron mapabiling hapsay ug malinawon ang tibuok dakbayan sa dabaw.
Gawas niini, subling gikanayon ni dela Ray nga walay kasayuran ang kapakyasan sa DCPO sa pagdakop kang Pastor Apollo Quiboloy sa nahisgutang lakang sa PRO 11 Regional Director.
