DAVAO CITY – Gipakusgan sa 10th Infantry Division sa Philippine Army ang kampanya batok recruitment sa mga armadong grupo dinhi sa rehiyon.
Sumala ni 10ID Spokesperson nga si Maj.Mark Anthony Tito, nagpadayon ang kasundaluhan sa pagmonitor sa mga iskwelahan, komunidad, ug ingon man sa mga prisohan aron mapugngan ang pag-sulod ug pag-recruit sa mga rebeldeng grupo og mga sibliyan nga mubatok sa gobyerno.
Dugang pa sa opisyal, posible matud pa ang gikaingong resurgence sa mga communist terrorist groups sa mga urban areas bisan pa man sa limitadong pwersa sa grupo.
Pinaagi kana sa pag-mugna og propaganda group nga musulod sa mga areas; o sa patago nga pag-apil sa mga legal nga grupo ug organisasyon aron makaaghat og mga sibilyan.
Nagpadayon ang ilang pakig-alayon sa mga law enforcement units sa mga nagkandaiyang LGUs alang sa information gathering.
Samtang, dungan sa maong adbokasiya ang mga kanhi rebelde nga nalambigit karon sa pagpakaylap og impormasyon ug pagpakisayod mahitungod sa pagsulod sa mga communist terrorist groups sa lugar.
Gisiguro sa 10ID ang whole of nation approach sa pagpugong sa infiltration sa mga rebelde, ingon man ang pagpanalipod sa katawhan alang sa insurgency-free nga rehiyon.
via || Bombo LJF
