Gimando na ni Pangulong Ferdinand Marcos Jr. ang reorganization o subling pagpahan-ay sa Inter-Agency Task Force on Zero Hunger.
Ang nasampit nga task force ang gitahasan nga nga siguraduhon nga magpadayon ug epektibo ang implementasyon sa gipakusgan nga partnership batok sa programa sa kagutom ug kalisod.
Gipirmahan niini niadtong Agosto 6, diin nakalatid sa Executive Order No. 66 nga ang mga miyembro sa task force ang mamahimong magbutang ug ihulip aron nga morepresenta sa ilahang mga buhatan sa panahon sa panahon sa ilahang pagbiya.
Gitahasan ang Department of Social Welfare and Development Secretary nga magsilbing chairperson sa task force.
Sumala sa EO, ang Executive Director sa National Nutrition Council ang magsilbi usab nga co-chairperson sa task force.
Gituboy sa EO ang sekretaryo sa Department of Agriculture isip vice-chairperson.
Nakalatid sab gihapon sa EO nga angay nga siguraduhon sa task force nga ang mga pulisya kagamhanan ang matuman aron makab-ot ang tinguha nga zero hunger ug kini pinaagi usab sa “coordinated ug responsive.”
Nasayran nga adunay 17.6% ka mga pamilyang Pinoy ang nakasinati ug kagutom sa second quarter s atuig, subay sa labing ulahing survey sa Social Weather Stations (SWS).
Milutaw sab survey nga gipahigayon niadtong nakalabay nga Hunyo 23 hangtod Hulyo 1, nga ang 17.6% nga nakasinati ug gutom ang misaka gikan sa 14.2% niadtong Marso.
