DAVAO CITY – Sugdan na sab karong adlawa ang pagpatuman sa revised coding sa Food and Medicine (FM) pass sa dakbayan diin ang ulahi nga numero niini maoy basehan aron nga tugutan nga makagawas aron mopalit ug pagkaon o medisina.
Gikanayong ang mga last digit nga odd number sama sa 1,3,7 ug 9 ang tugutan nga makagawas matag Lunes, Miyerkules ug Biyernes samtang ang mga even number sama sa 2, 4, 6, 8, ug 0 ang magamit panahon sa Martes, Huwebes ug Sabado.
Una ng gitino ni Davao City Mayor Inday Sara Duterte-Carpio nga rekomendasyon ang maong lakang sa mga frontliners nga anaa sa mga checkpoint sanglit kini ang nakahibalo sa sitwasyon.
Samtang sa bahin ni Pol. Col. Kirby John Kraft, director sa Davao City Police Office (DCPO), gawas sa pagpatuman sa bag-ong coding sa FM pass, hugtanon sab nila nga ipatuman karon ang clustering hinungdan nga gitambagan niini ang publiko nga dili mamahimong motabok sa uban nga dapit ilabi na kung dili sakop ilang FM pass
