DAVAO CITY – Giila ni Philippine Drug Enforcement Agency (PDEA) regional director Antonio Rivera nga dakong tabang ang gipatuman nga Martial Law sa Mindanao bisan tuod nga dili na lugwayan ug matapos na karung bulan sa Disyembre.
Sumala pa kang Rivera nga gawas sa mga tawo nga nagdala-dala og armas, nakatabang sab ang balaud militar sa pagsikop sa mga indibidwal nga planong magpayuhot ug ginadili nga druga kini pinaagi sa gimuntar nga mga checkpoint.
Samtang gikanayon sab ni Police Capt. Rose Aguilar, tigpamaba sa Davao City Police Office (DCPO) nga bisan tapuson na ang pagpatuman sa martial law sa Mindanao, dili sumala pa magbag-o ang ilang hugtanon nga security measures alang sa kaluwasan ug seguridad sa publiko.
Padayon sab sumala pa sila nga makiglambigit sa ilang counterpart sama sa mga kasundalohan.
