DAVAO CITY – Makaapekto sumala pa sa tulo ka mga indigenous peoples’ communities sa unom ka mga barangay sa ika-upat nga distrito ning dakbayan ang pagpatuman sa high priority bus system (HPBS) usa ka mass public transport modernization program nga laraw nga makunhuran ang paghuot sa dagan sa trapiko sa siyudad.
Gikanayong base sumala pa kini sa gipagulan nga dokumento sa Asian Development Bank (ADB).
Partikular sumala pa nga maapektohan sa HPBS ang mga IP communities sa Ata, Obo Manobo, ug Bagobo Tagabawa sa Barangay Lamanan sa Calinan District; Malamba, Salaysay ug Marilog Proper sa Marilog District; Barangay Carmen sa Baguio District; ug Barangay Sibulan sa Toril District.
Kahinumduman nga ang nahisgutan nga transport project ang gipailalom sa konsultasyon sayo sa termino ni kanhi Mayor ug karun Pangulong Rodrigo Duterte.
Subay sa ADB document, ang sugyot nga rota sa HPBS ang musubay sa mga dalan nga mulatas sa Lumad communities nga adunay Certificate of Ancestral Domain Titles (CADT) sa nahisgutan nga mga barangays.
Naggikan ang nahisgutan nga impormasyon gikan sa ADB document nga adunay titulo nga “Philippines: Davao Public Transport Modernization Project’s Resettlement and Indigenous Peoples Plan.”
Sayo ning kasamtangan nga tuig, nagpagula si Mayor Sara Duterte ug Executive Order No. 7, diin laraw niini nga mag-organisa ug local inter-agency committee diin tumong niini nga i-assess ang resettlement sa stakeholders nga maapektohan sa transport initiatives sa siyudad nga gilangkuban sa HPBS ug Mindanao Railway System ug uban pang mga proyekto nga gipatuman sa Department of Transportation.
Gikanayong kalakip sa EO7 ang National Commission on Indigenous Peoples’ (NCIP) regional office, Davao City Legal Office ug Department of the Interior and Local Government’s (DILG) city office nga mga miyembro sa local inter-agency committee (LIAC) arun nga i-assist ang mga residente nga apektado sa HPBS ug Mindanao Railway Project.
Ang gipatuman nga local measures ang tubag sa sulat sa DOTr sa milabay nag tuig alang sa siyudad nga tumong ang pagmugna ug grupo nga mo-assist sa resettlement sa mga apektado sa duruha ka proyekto.
Kahinumduman nga ang HPBS langkuban sa duruha ka detailed plans alang sa resettlement nga alang sa depots, terminals, ug driving school, samtang laing dokumento usab nga gitawag ug Resettlement and Indigenous Peoples Plan (RIPP) ang alang sa bus stops ug pagpalambo sa pedestrian nga mosubay sa tulo ka mga IP communities.
Nasayran nga ang bus system ang langkuban sa at least 29 route networks nga subayon sa 18 ug 12 meter bus units.
Aduna sumala pa kiini tulo ka mga public transport terminals, lima ka depots, tulonghaan alang sa bus drivers, 1,074 bus stops, ug pagpalambo sa pedestrian network.
