DAVAO CITY – Mihatag sa iyang pahayag si Davao City Mayor Inday Sara Duterte diin gibutyag niini nga mamahimong adunay paglugway sa gipatuman karon nga enhanced community quarantine ngadto na sa extreme enhanced community quarantine kini kung padayon pa gihapon ang pagsaka sa kaso sa Covid-19 dinhi sa dakbayan sa Davao.
Mamahimo sab nga simple nga mga pamaagi na lamang ang ipatuman ug dili na istrikto kini aron nga makontrola lamang ang covid-19.
Gikanayong kini sumala pa ang ginatan-aw ug ginapangandaman karon sa lokal nga kagamhanan sa syudad kung unsay mamahimong resulta sa gipatuman nga ECQ paghuman sa April 19, ang katapusang adlaw sa pagpatuman niini.
Gipangandaman usab karon sa syudad ang subling pag-abli sa Manila sa pagtapos niini sa ilang enhanced community quarantine.
Daan nang gibutyag sa mayor nga wala niini gipadaplin ang posibilidad sa pagpatuman og mga striktong kamanduan sa lockdown.
Gikanayon niini nga kung mograbe ang sitwasyon mamahimong musangpot na usab sa Extreme Enhanced Community Quarantine (EECQ) ang syudad kung ugaling magpabiling hulga ang Covid-19 sa panglawas sa publiko.
