DAVAO CITY – Ginatun-an na sa DOLE 11 ang pagpahawan sa work stoppage order sa gitukod nga condominium nga nahimutang sa Buhangin, ning dakbayan.
Sumala ni Randolph Pensoy, regional director sa DOLE 11, nasayran nga dunay kapakyasan ang mga tigdumala sa maong condominium sa pagpatuman og occupational safety and health measures sa mga trabahante sa gitukod nga mga building.
Dugang pa, ila nang gipanid-an ang kumpanya nga hingpit nga sundon ang mga rekomendasyon sa mga inspectors aron matanggal na ang pagpahunong sa konstruksyon niini.
Kahinumduman nga kaniadtonng Hulyo 10 dihang nakabsan sa kinabuhi ang duha ka magsuon nga sila Noli Antao ug Garry Antao nga nagtrabaho sa gitukod nga Amani Grand City Gate Condominium Building C human nga nahugmak ang gitungtungan nila nga canopy.
Una nang gimanduan sa Davao City Office of City Building Official ang pagpahunong sa tanang construction works sa condominium human sa maong panghitabo.
via || Bombo LJF
