DAVAO CITY – Pakusgan sa Davao City Jail ang ilang seguridad tungod sa namatikdang pagsulod sa mga kontrabando sulod sa mga selda.
Gibutyag mismo sa jail warden sa maong billanguan nga si Lieutenant Colonel Peter Bonggat ang mga pamaaagi aron makalusot ang mga gibawal nga mga droga.
Pipila niana ang pagdasok niini sa mga gipasulod nga mga appilances, mga sud-an, prutas ug gulay, ug panabton sama sa tsinelas ug sandalyas.
Ginagamit sab karon ang mga persons deprived of liberty kon PDLs aron masuksok ang mga droga sa mga pinakasensitibong bahin sa ilang lawas.
Bag-uhay lang sab nila nasayran nga ginapatulon sab ang mga binilanggo ug mga tinagong droga. Hangyo karon sa City Jail ngadto sa panggamhanan nga magmuntar ug x-ray machine alang sa body search.
Gikanayon sab sa warden nga doblihon ang ilang itaganang seguridad sa ilang 8 ka ektaryang bag-ong ug permanenteng pasilidad sa Wangan, Calinan, ning dakbayan, nga makaakomodar ug kapin singko mil ka mga binilanggo kon itandi sa overcongested ug karaang pasilidad sa Maa nga anaa lamang sa 400 apan anaa karon sa 3,000 ang na mga piniriso.
VIA || Bombo LJF
