DAVAO CITY – Gitahasan na sa Davao City Police Office ang ilang mga station commanders sa matag presinto nga magpaniid sa mga personahe nga magpahigayon og electronic sabong kon “e-sabong”, subay sa gimando ni city director Colonel Alberto Lupaz.
Sumala ni DCPO Spokesperson PCapt. Hazel Tuazon, adunay kamanduan ang PNP headquarters sa kauluhan nga magpahunong sa mga myembro sa kapulisan nga nangabuang na sa e-sabong gumikan sa dagkong problema nga hatud niini ngadto sa ilang mga pamilya.
Dugang pa nga pasakahan og kasong administratibo ang mga opisyal nga magpadayon sa maong sugal.
Kana ang may kalabutan sa mando ni DILG Secretary Benhur Abalos aron mapahunong na ang paglambigit sa kapulisan sa e-sabong.
Hingpit sab nga musunod niini ang Police Regional Office 11 aron mabatukan ang nagkalain-laing ilegal nga sugal kon illegal gambling.
via || Bombo LJF
