DAVAO CITY – Gi-anunsiya mismo ni outgoing Mayor ug presumptive vice president Sara Duterte nga iyang himuon ang iyang outhtaking sa San Pedro Street ning dakbayan sa Dabaw karong Hunyo 19, 2022.
Hinuon, wala na mihatag pa ug dugang detalye si mayor Inday Sara labot sa iyang gikatakda nga pagpanumpa gumikan sa katarungan nga nagpabilin pa siyang naghulat sa pormal nga proklamasyon sa iyang kadaugan sa nakalabay nga May 9, 2022 local ug national election sa nasud.
Na-una nang gibutyag sa incoming vice president nga iyang himuon ang iyang pagpanumpa dinhi mismo sa dakbayan sa dabaw atubangan sa tibuok katawhgang Dabawenyo.
Gikatarungan ni INday Sara nga manumpa siya ug mas sayo kaysa gitakda nga petsa sa June 30 gumikan kay buot jyia nga mosaksi sa inauguration sa iyang katandem nga si incoming president Bongbong Marcos.
Na-una na usab nga gibutyag ni Comelec Commissioner George Garcia, nga walay sayop sa plano ni incoming VP Inday Sara nga manumpa ug sayo, basta molingkod kini sa iyang katungndanan sa alas 12:01 sa hapon sa June 30 ug ang unod sa iyang pagpanumpa ang nasubay sa konstitusyon.
