Misamot kagrabe ang tensyon sa Middle East homan ang wala gilaumang lakang ni US President Donald Trump nga bombahan ang tulo ka nuclear facilities sa Iran.
Gihimo ang nahisgutang lakang homan ang treaty sa US sa Israel nga gikunsederang pinakadako nga pagpangataki sa west batok sa Iran sukad kaniadtong 1979.
Nagpasidaan ang mga experto nga mamahimong balusan sa Iran ang pagpangataki pinaagi sa pagserado sa Strait of Hormuz, usa ka gamay apan importanteng agi-anan sa mga barko nga nagdala ug petrolyo, kung diin mi-agi ang mosobra sa 20 million barells sa petrolyo matag adlaw.
Ang Strait of Hormuz, nahimutang tali sa Iran ug Oman nga mao ang kritikal sa ekonomiya sa kalibutan.
Sa higayong ipaserado kini, gilaumang musaka pag-ayo ang presyo sa petrolyo sa tibuok kalibutan apan segurado usab maapektuhan ang Iran gumikan kay kadaghanan sa ilahang petrolyo ang nagaagi sa nahisgutang lugar.
Samtang nanawagan usab si U.S. Secretary of states Marco Rubio sa China nga mipalit ug halos 90% sa petrolyo sa Iran nga awhagon ang nahisgutang nasud nga dili ipadayon ang pagserado.
