DAVAO CITY – Hangtud karong adlawa na lamang ang gihatag nga tagal aron nga ma-claim sa mga driver ang ilang Pantawid Pasada Program (PPP) cash cards. Una ng gipahibalo sa Land Transportation Franchising and Regulatory Board (LTFRB), nga ang pagpanghatag sa PPP Fuel Cards molungtad lamang ug hangtud Hulyo 31, 2019.
Gitataw sab sa LTFRB nga kadtong mga naka-claim sa ilang fuel cards ang makadawat ug subsidiya alang sa 2019, sa kantidad nga P20,514.
Base sa data sa LTFRB Davao Region, 729 drivers ang wala pa nakakuha sa ilang mga cards, duha ka adlaw ayha ang deadline karong adlawa.
Una ng gibutyag ni LTFRB Regional Director Armand Dioso nga ang PPP cash cards magsilbi nga fuel subsidy nga mkatabang sa mga operators ug drivers panahon nga mosaka ang presyon sa mga produktong petrolyo.
Sa tuig 2018 PPP cash cards, nakahatag ang LTFRB ug P5,000 fuel subsidy apan karong tuiga, misaka kini sa kapin P20,000.
Gitataw sab ni LTFRB Chair Martin Delgra, nga sa higayon nga magsara ang distribusyon, dili na mamahimo nga makakuha ug 2018 fuel assistance ingon man 2019 fuel subsidy ang mga driver.
