DAVAO CITY – Lauman nga sa Enero 2021 mahuman ang pagpalapad sa mga holding facility nga gitukod karon sa Davao International Airport (DIA).
Tumong sumala pa niini nga daghanan pang mga pasahero ang maakomodar diin temporaryo nga ipahimutang ang mga nahisgutan samtang naghulat sa resulta sa ilang RTC-PCR test ayha tugtan nga makauli sa ilang tagsa-tagsa ka mga panimalay.
Una nang gibutyag ni Dean Ortiz, tigpamaba sa Department of Public Works and Highways (DPWH) 11, nga nalangan ang nahisgutan nga proyekto gumikan sa sunod-sunod nga bagyo nga miigo sa kaulohan.
Nasayran nga mukabat sa 200 ka mga container van ang plano nga ipahimutang sa Davao airport diin sa kasamtangan anaa na kini sa kapin 73.
Gitataw sab ni Ortiz, nga sa tunga-tunga nga bahin sa bulan sa Enero mahuman na ang pagpahimutang og dugang nga holding facility.
Pahayag ni Dean Ortiz, tigpamaba sa Department of Public Works and Highways (DPWH) 11.
