DAVAO CITY- Gibarugan karon sa usa sa mga legal counsel ni Pastor Quiboloy nga Atty. Israelito Torreon nga dakong kasupakan ang gihimo sa mga kapulisan ubos sa kamanduan sumala pa ni PRO Regional Dir. Brig, Gen. Torre dinhi sa dakbayan ang pagpakatag sa hulagway sa nagtago-tago nga pastor.
Sumala pa sa nahisgutan nga kung subayon ang ordinansa sa syudad nakasupak sumala pa ang mga otoridad.
Gikinahanglan sumala pa ang pagkuha ug permiso sa LGU Davao kabahin sa pagbutang sa mga poster.
Dili sumala pa makatarunganon ang gihimong pagbutang sa mga poster ni Pastor Quiboloy ug sa iyang kaubanan sa Kingdom of Jesus Christ (KOJC) isip wanted persons gumikan mga suspek pa lamang ang mga nahisgutan.
Gikumpara usab niini ang napamatud-an sa korte nga sad-an sila Satur Ocampo ug France Castro nga walay nakasabit nga poster.
Kahinumduman nga sa nakalabay nga semana gisugdan sa pagbutang ang mga hulagway sa Pastor ug upat niini ka mga kaubanan sa maga kwerpo sa kapulisan, Police Outpost, terminal ug uban pang pampublikong lugar.
Una ng gibutangan ug patong sa ulo si Quiboloy nga mokabat sa 10 million, samtang ang nabiling upat ka mga kaubanan ang adunay tag-usa ka milyon nga sila Cresente Canada, Ingrid Canada, Sylvia Camanes ug Jackiely Roy.
Una ng gibutyag sa mga otoridad nga mokabat sa dosyentos sumala pa ang mga poster nga gipakatag karong panahuna.
Kahinumduman nga nagpaguwa usab ug wanted posters ang FBI sa US tungod sa kaso nga giatubang usab niini sa maong nasud.
