DAVAO CITY – Dili una mamahimong ihinayon ang plano nga swab testing sa mga barangay nga taas ang kaso sa COVID-19 bisan nga nagmalampuson ang gihimong Aggressive Community Testing sa milabay nga semana.
Una ng gibutyag ni Dr. Ashley Lopez, Department of Health Davao City health focal on COVID-19, nga wala pay pondo ang panggamhanan alang sa maong lakang apan nagpadayon sumala pa karon ang gipahigayon nga swab testing sa Sta. Ana Health Center.
Hinuon gikanayon ni Lopez nga gipaspasan na matud pa nila karon ang pag-asikaso sa mga gikinahanglan nga mga rekisitos aron nga matukod gilayon ang upat ka mga swab test center sa upat ka mga distrito sa siyudad nga gilangkuban sa Toril district, Calinan, Talomo North ug South District.
Apan ayha itukod ang gambalay, magpahigayon una og ocular inspection ang buhatan diin mamahimong ipatuman ang proyekto.
Pahayag ni Dr. Ashley Lopez.
