Pagpahigayon og mga graduation rites, kinahanglan nga himuon lamang sulod sa mga tulonghaan aron malikayan ang pagtakboy sa COVID-19 – DepEd 11

DAVAO CITY – Gibutyag ni Jenilito Dodong Atillo, tigpamaba sa Department of Education (DepEd) 11 nga bisan wala hingpit nga gidili ang pagpahigayon og graduation rites, kinahanglan nga himuon lamang kini sulod sa mga tulonghaan aron malikayan ang posibleng pagtakboy sa corona virus disease (covid-19).

Kahinumduman nga ubay-ubay ka mga dagkong aktibidad sa DepEd ang gisuspende lakip na ang DAVRAA meet 2020 nga ipahigayon unta sa Davao de Oro sa Abril 1-7 ning kasamtangan nga tuig.

Gikanayon ni Atillo nga kadtong mga off-campus activities sa mga eskwelahan kinahanglan nga i-suspende kini aron mapabilin nga luwas ang mga estudyante sa Covid-19.