-- ADVERTISEMENT --
DAVAO CITY – Gipasabot ni Police Major Jason Baria, tigpamaba sa Police Regional Office (PRO) 11 nga natural lamang nga adunay ginapahigayon nga lahugay sa han-ay sa kapulisan ilabi na kung adunay mapili usab nga mga bag-ong opisyal.
Tipik lamang kini dungan sa gikatakda usab nga paglingkod ni Police Brig. General Filmore Escobal isip bag-ong director sa PRO-11.
Gitataw sab ni Baria nga mihatag na og go signal si PNP-OIC Police Lt. Gen. Archie Gamboa ngadto sa mga regional director sa PNP nga magpahigayon og lahugay sa tagsa-tagsa ka mga posisyon sa ilang mga sakop. Gihulat na lamang matud pa karon nila ang instruction sa ilang labaw kung kanus-a ipatuman ang nahisgutan nga lakang.
