DAVAO CITY – Suportado sa mga konsehal ning dakbayan sa Davao ang sugyot sa kapulisan nga ipabilin sa siyudad ang suspensiyon sa permit to carry firearm outside residence bisan pa man nga dili na lugwayan ang gipatuman nga Martial law sa Mindanao.
Tumong sumala pa niini nga mapabilin pa gihapon ang kahusay ug kalinaw sa dakbayan ingon man mapugngan kadtong mga indibidwal nga mosulod sa dakbayan ug adunay dala nga armas.
Hinuon, dili sumala pa kalakip niini kadtong mga uniformed personnel sama sa mga sundalo ug kapulisan.
Sumala pa kang Pol. Col Kirby Kraft, director sa Davao City Police Office (DCPO) nga kung ipabilin sa siyudad ang suspensiyon sa permit to carry firearm outside residence dali lamang nila nga mamonitor kadtong mga nagdala og armas nga gikan sa kasikbit nga lugar sa rehiyon aron mobisita dinhi sa siyudad.
