DAVAO CITY – Laraw sa konseho ning siyudad nga himuong mandatory ang pagpabakuna sa mga bata batok Polio aron masiguro ang kaluwasan sa mga nahisgutan batok sa maong virus.
Una niini, nanawagan si Committee on Health Chair sa City Council nga si Mary Joselle Villafuerte ngadto sa publiko ug kooperasyon sa ikaduhang hugna sa Sabayang Patak kontra Polio nga magsugod sa Nobyembre 27 ngadto na sa Disyembre 7 ning kasamtangan nga tuig.
Kahinumduman nga ang dakbayan sa Davao ang usa sa mga nakatala ug taas nga ihap sa mga nabakunahan nga mga bata atol sa unang round kaniadtong bulan sa Oktubre nga anaa sa 99.48 percent ang immunization coverage.
Gitataw sab ni Konsehal Villafuerte nga kung adunay kooperasyon sa mga ginikanan ug uban pang mga sektor sa nahisgutan nga lakang, dali lamang nga maangkon ang taas nga ihap sa mga bata nga mabakunahan.
Plano sa opisyal nga himuong requirement sab ang maong bakuna atol sa enrollment sa mga bata.
