Giduso ni Cagayan de Oro Representative Lordan Suan nga mahisgutan ang fake news, disinformation, ug misinformation, ilabi na sa social media, sa 20th Congress.
Sa usa ka paghinabi, gikanayon sa opisyal nga ang pagbatok sa sayop nga impormasyon usa sa mga nag-unang hagit isip chairperson sa committee on public information sa House of Representatives.
Dugang pa ni Suan, nga usa usab ka abogado, nga iyang isiguro nga dili malapas ang katungod sa kagawasan sa pagpahayag sa mga imbestigasyon nga buhaton sa iyahang komitiba.
Kahinumduman nga sa 19th Congress, pipila ka mga iladong pro-Duterte vloggers ang gipatawag sa pagdungog sa lower chamber tungod sa giingong malisyosong mga pag-atake online og pagpakatag sumala pa sa mga sayop nga impormasyon.
