Walay lipod-lipod nga gipahayag sa anti-poverty czar nga walay amor sa mga botante ang mga Duterte ilabi na si kanhi Pangulong Rodrigo Duterte ug nabutang lamang kini sa pwesto niadtong 2016 gumikan sa suporta sa mga Marcos loyalists.
Kini ang nahimong pahayag ni Sec. Larry Gadon, Presidential Adviser on Poverty Alleviation.
Dugang gipahayag sa opisyal nga usa lamang ka imaginary ang boto ni Duterte diin nakakuha kini og 15 million votes niadtong 2016 gumikan sa Marcos votes og si PBBM ang nakakuha og 31 million, gidoble pa kang Duterte.
Gipahayag pa sa opisyal nga walay tawo ang mga Duterte og gamay lamang kini, hinungdan nga ang ilahang Maisug rallies puros walay pulos.
Mas daghan pa sa tawo ang mulantaw sa bakla beauty contest sa peryahan.
Bisan paman nga popular ang usa ka kandidato sa pagka-presidente susama nila ni Isko ug Pacquiao, halos 2 milyon ug 3 million votes lang ang ilahang nakuha gumikan kay mayorya sa mga botante ang anaa sa kampo sa mga Marcos ug Aquino.
Sa higayong magpapili kuno si VP Sara isip pangulo sa 2028, swerte na lamang og makakuha kini og 3 million votes ug labaw nga swerte og 4 million nga boto ang makuha niini.
