DAVAO CITY – Nahimong malinawon ang mga aktibidad atol sa paghinumdom sa huwebes Santo kagahapong adlawa.
Wala sumala pay natalang dagko nga mga insidente ang kapulisan gumikan kay gipatuman niini ang hugtanon nga seguridad sa palibot ilabi na sa mga simbahan.
Gidagsa sa mga tumutuo ang mga nag-unang simbahan sa siyudad sugod kagahapon hinungdan nga alerto ang kapulisan sa pagbantay sa palibot aron lamang masiguro nga walay makasulod nga mga dautang elemento nga planong isabotahe ang mga aktibidad sa simbahan.
Mamatikdan sab ang istrikto nga gipatuman sa kapulisan ang No back pack policy diin coin purse lamang ang gitugot sa otoridad nga mamahimong dad-on sa otoridad sa mga mamimbahay.
Kalakip sab sa gitutokan sa kapulisan ang mga pantalan, terminal ug uban pang lugar nga dagsaon sa mga tawo karong panahon sa semana santa.
