DAVAO CITY- Mainitong gidawat sa 10th Infantry Division sa Philippine Army ang naaprubang resolusyon sa Davao City Council nga saulugon ang unang anibersaryo sa deklarasyon sa pagka-gawasnon sa insurhensya sa Davao City kaniadtong Marso 24, 2022.
Ang maong resolusyon ang nahimong sugyot ni Committee on Peace and Public Safety Chair Councilor Luna Acosta ug giaprubahan kaniadtong Marso 28.
Gipasidunggan sab sa maong resolusyon ang mga paningkamot sa tropa sa Agila ug ang kinatibuk-ang security sector nga nagresulta sa insurgency-free status sa dakbayan.
Nipasalig si 10ID Commander Major General Jose Eriel Niembra nga ilang ipadayon ang nasugdang kadaugan ug ang pagpapabilin sa kalinaw ug kauswagan dili lamang sa tibuok dakbayan, kon dili sab sa tibuok rehiyon sa Davao.
Matud pa, sukad sa pagdeklara og insurgent free status sa dakbayan ug ingon man sa Davao Region, namatikdan ang kalambuan sa natad sa turismo, patigayon, imprastraktura ug uban pa.
Nagpabilin gihapong ligdong ang ilang responsibilidad nga mapanalipdan ang kaayohan sa mga Dabawenyo.
via || Bombo LJF
