DAVAO CITY- Nakapadasig sa kapulisan ang giluwatang pamahayag ni Mayor Baste Duterte nga hatagan niini ug tsansa ang bag-ong acting Davao City Police Office Director.
Sumala ni P/Captain Hazel Tuazon, atol sa press conferrence kaganihang buntag nga nalipay ang mga kapulisan sa pamahayag sa Mayor ngadto kang PCol. Hansel Marantan.
Kahinumduman nga gibutyag sa Mayor atol sa iyahang SOCA nga paabuto niini ang epekto sa iyahang apagdumala sa syudad nga bisan ug aduna kini mga pagduda kabahin sa hisgutanang pulitika nga gikanayon niini nga sa karon “baga” sumala pa ang hisgutanang pulitika.
Unang gihangyo sa Mayor ang opisyal nga imintina lamang niini ang status quo sa syudad ug pamatud-an ang iyahang kaugalingon.
Kahinumduman nga una na usab nga miluwat ug pahayag ang DCPO director nga hatagan siya ug panahon sa Mayor sa pagpakita sa iyahang mga plano alang sa kaayuhan sa katawhan sa dakbayan.
Samtang gipasalig usab ni Tuazon, nga dili sila matarog sa ilahang mga gimbuhaton ilabi na ang paghatag ug seguridad sa mga katawhan tungod sa mga kontrobersiya nga giatuabang sa kapulisan dinhi sa dakbayan.
Gipasalig niini nga magpadayon ang ilahang pagserbisyo sa syudad.
Samtang gikanayon sab sa opisyal nga dili sab niini konsintihon kung unsa man ang mga dili maayung binuhatan nga gihimo sa myembro niini.
