DAVAO CITY – Mandato na karon ang paggamit og Safe Davao QR code dinhi sa dakbayan.
Kini human nga napalabang sa City Council ang maong sugyot aron nga mas mapalig-on pa ang ipahigayon nga contact tracing sa mga tawo nga posibleng adunay nakahimamat nga nagpositibo sa COVID-19.
Tungod niini, kinahanglan na nga mokuha og Safe Davao QR code ang mga residente, mga nanimuyo sa kasikbit nga lugar ingon man kadtong mga establisyemento.
Mamahimo sumala pa nga mapahamtangan og silot kadtong mga mogamit og DQR nga dili importante ang lakaw, pagpahiram sa lain nga tawo ug mogamit og mga peke.
Gikanayong reprimand pa lamang ang first offense; P500 o community service ang 2nd offense samtang P1,500 o usa ka bulan nga pagkabilanggo ang sa third offense.
Mipahimangno karon ang otoridad nga kanunay dad-on ang DQR aron adunay i-presenta sa otoridad panahon nga molatas sa checkpoint.
