DAVAO CITY – Gikanayon ni Edwin Israel Mayormita, Regional Project Officer sa (DILG) 11 nga nagpadayon sumala pa ang pagpaningkamot aron lamang maangkon ang pangandoy nga mahulipan ang sistema sa gobyerno ngadto sa Pederalismo.
Atol sa tulumanong Good Morning Philippines sa Bombo Radyo, gikanayon ni Mayormita, nga wala nawala ang kampanya alang sa pederalismo ug padayon gihapon kini sa pag-uswag.
Hinoon, gibutyag sa opisyal nga usa matud pa ka rason nga wala pa kini hingpit nga misibog mao ang gumikan sa panginahanglanon nga magka-uyon ang nagkadaiyang ahensya sa gobyerno aron nga mas mahan-ay ug mapaayo pa ang dagan sa maong sugyot.
Gi-angkon usab sa opisyal nga ang draft sa federal constitution ang anaa gihapon karon ilalom sa deliberasyon sa Intergency Task Force nga mao ang mag integrate, mag consolidate ug mag-harmonize sa proposed federal constitution nga namugna sa consultative committee.
Ang pamahayag ni Edwin Israel Mayormita, Regional Project Officer sa (DILG) 11.
