DAVAO CITY – Gikumpirma sa City Tourism Operations Office (CTOO) nga miubos sa 30 ngadto na sa 50 porsyento ang gi-ubos sa mga Tourist Arrival sa dakbayan sukad nga mikuyanap ang kaso sa Corona virus disease (Covid-19) sa tibuok kalibutan.
Kini sab sumala pa ang rason nga dili na ihinayon ang 3D light show sa City Hall nga maoy usa sa mga dagkong aktibidad atol sa Araw ng Dabaw.
Sumala pa kang Generose Tecson head sa CTOO nga tumong niini nga malikayan ang pagkuyanap sa virus ilabi na nga dili gaytud kalikayan ang pagdagsa sa mga tawo panahon nga adunay mga dagkong aktibidad nga himuon ang siyudad.
Gituman lamang sab sa ahensiya ang kamandoan sa Health Department nga nagpatuman karon ug code red sub-level 1 batok sa maong virus.
Sa kasamtangan, kapin 20 na ang natalang kaso sa covid-19 sa nasod.
