DAVAO CITY – Nagpahimangho ang buhatan sa Land Transportation Office (LTO) ngadto sa mga nanag-iya ug motorsiklo nga kung aduna kini ibutang nga mga accessories ug uban pang attachements sa motor, kinahanglan nga ipa-rehistro kini sa ilang buhatan aron malikayan ang mga nahisgutan nga mapahamtangan ug dako nga multa.
Sumala pa kang Atty. Niel Cañedo, Assistant Regional director sa LTO-11, kung aduna sumala pay ibutang mga attachments sama sa tap box, angayan nga makiglambigit lamang kini sa ilang buhatan aron nga ma-rehistro ug dili mapahamtangan ug multa sa higayon nga madakpan sa otoridad.
Kung adunay plano nga magbutang ug sidecar, angayan sumala pa nga i-rehistro sab kini sa LTO.
Samtang gitino sab ni Lt. Col. Nolan Raquid, hepe sa Davao City Police Office (DCPO) nga kung unsa sumala pa ang histura sa motor pagpalit niini, kini matud pa ang otorisado sa otoridad.
Hinungdan nga kinahanglan gayud nga i-rehistro kung adunay himuon nga pagbag-o o adunay ibutang nga attachments.
