DAVAO CITY – Dakong tabang sumala pa kung hingpit na nga i-require ang defibrillator sa tanan nga mga sports events dinhi sa siyudad.
Kahinumduman nga giduso ni Konsehal Mary Joselle Villafuerte ang pagbaton ug defibrillator human ang ulahing insidente diin namatay ang usa ka atleta atol sa usa ka sports event.
Angayan sumala pa nga mandato ang tanan nga mga ambulances ug  health centers sa siyudad nga adunay Automated External Defibrillator (AED).
Ang nahisgutan sumala pa nga ekipo makatabang aron maluwas kadtong na-diagnose sa life-threatening cardiac arrythmias ilabi sa kadtong atleta.
Kahinumduman nga namatay ang negosyante nga si  Mario Francisco Marfori II sa Blue Genes Tri 94 team sa milabay nga Agosto 4 samtang anaa sa iyang unang dagan sa 2.6 kilometers atol sa Kadayawan Duathlon 2019.  Gipili sumala pa sa biktima ang Olympic Distance male 40-44 category.
Una ng gibutyag ni Race director Stax Savellano, nga dali pa nga gitabang ang biktima ug gidala sa ambulansiya apan nakabsan pa gihapon kini sa iyang kinabuhi.
