DAVAO CITY – Gimandoan na karon ni Davao City Mayor Inday Sara Duterte-Carpio ang security unit nga pahugtan pa ang pagbantay sa COVID-19 centers nga gitukod sa siyudad kini aron masiguro nga wala nay pasyente nga makaikyas gikan sa isolation facilities.
Kahinumduman nga una ng gikumpirma ni Davao City Sara Duterte nga usa ka babaye nga pasyente nga nagpositibo sa coronavirus disease (COVID-19) ang nakaikyas gikan sa government-run quarantine facility.
Sa kasamtangan, padayon sumala pa nga gipangita sa mga health authorities ang miikyas nga pasyente.
Una ng napakyas ang mga nahisgutan nga maabtan sa ilang pinuy-anan ang babaye nga nanimuyo sa Barangay 23-C ning siyudad.
Bisan nga wala gibutyag kung asa nga government facility naka-admit ang pasyente, gikanayon ni Mayor Inday nga gipahimutang kini sa center diin ang mga naka-admit adunay “mild symptoms” sa virus.
