Pagbaligya og streetfood sa Toril temporaryong gihunong dungan sa nahitabong Diarrhea Outbreak

DAVAO CITY – Temporaryong gihunong sa Davao city Health office ang pagbaligya og mga streetfood sa Toril ning dakabayan sa Dabaw human kadaghanan matud pa sa mga residente niini ang nagka-diarrhea.

Gipahayag ni Dr. Ashley Lopez, hepe sa Davao City Health office, gikatakdang mupailawom og seminar ug orientation ang mga gatinda og street foods sa nasangpit nga lugar.

Sumala kang Lopez, gawas sa kontaminado nga tubig, usa sab sa ginatan-aw karon sa buhatan nga posibleng hinungdan sa diarrhea ang pagbaligya og mga streetfoods partikular na ang Tapioca.

Giklaro sab ni Dr. Lopez nga mahinungdanon mahibaw-an sa mga mamaligyaay ang food handling aron malikayan ang insidente sama sa diarrhea.

Via || HANA RALLOS