Giduso ang ikatulong petisyon sa Korte Suprema nga mikuwestiyon sa pagbalhin sa sobrang pondo sa PhilHealth sa national treasury.
Gipanguluhan ni kanhing SC associate justice ug 1Sambayan convenor Antonio Carpio ang ikatulong petisyon diin gikanayon niini nga ang gihimo sa gobyerno usa ka supak sa batakang balaod.
Gibutyag sab sa nahisgutan nga angayang mosunod ang gobyerno sa nakalatid sa konstitusyon.
Dungan sab kini sa gihangyo sa grupong Bayan Muna sa Korte Suprema nga angayang ipatuman ang temporary restraining order sa pagbalhin sa pondo sa Philhealth.
Niadtong Agosto nanguna si Senate Minority Leader Koko Pimentel ug pipila ka mga sektoral group ingon sab ang pipila ka mga concern citizens nga nagkuwestyon sa pagbalhin sa sobrang pondo.
Una na nga naremit sa PhilHealth sa national treasury ang P13 milyon sa ikatulong tranche diin sa bulan sab sa Nobyembre ibalhin ang P29-B.
Gibarugan sab ni Finance Secretary Ralph Recto nga ginatugutan sa balaod ang nasampit nga lakang.
