DAVAO CITY – Ubay-ubay nang mibaba ang mga kaso sa COVID 19 karung ulahing simana sa bulan sa Oktubre taliwala sa pagpaluag sa mga restriksyon sa health protocols dinhi sa Davao City.
Gikanayon sa tigpamaba sa Davao City COVID19 Task Force na si Dr. Michelle Schlosser, gikan sa kapin lima ka gatus ka mga aktibong kaso, muabot na lamang kini sa kapin tres syentos karon ang natala sa buhatan.
Nikunsad sab ug otso ngadto sa dyis porsyento gikan sa trese ngadto sa kinse porsyento ang positivity rate sugod pa sa niaging simana.
Sa pikas bahin, dunay natalang napulo ang namatay gumikan sa kagaw niadtong Oktubre 23 hangtud 29, nga mas ubos sa natalang 14-17 ka mga patay.
Kasagaran sa mga namatay, mga tigulang ug anaa sa 50-59 anyos.
Taliwala niini, mas gihingusgan karon sa buhatan ang katawhan sa pagbaton ug displina pinaagi sa responsableng pagsalmot sa mga kalihukan ug pagpabakuna kontra COVID 19.
Sanglit, labaw nilang gitutukan karon sa buhatan ang epekto sa mga nahitabong mas gatherings atol sa Kalag-kalag ning tuiga.
vaia || Bombo LJ Florendo
