DAVAO CITY – Bisan nga wala pa gisugdan ang pag-scan sa mga DQR code sa dakbayan, gipasalig sa kapulisan nga hugtanon pa gihapon nila nga ipatuman ang pagrikisa sa mga motorista nga molatas sa mga checkpoint sa siyudad.
Sumala pa kang Pol. Col. Kirby John Kraft, director sa Davao City Police Office (DCPO), nga kinahanglan pa gihapon nga i-check ang dala nga Food and Medicine Pass ingon man uban pang dokumento nga magpamatuod nga lihitimo o mahinungdanon ang lakaw sa usa ka indibidwal ingon man kadtong mosulod sa dakbayan nga gikan sa mga kasikbit nga lalawigan sa Davao region.
Sa kasamtangan, padayon sumala pa ang pahimangno sa kapulisan ngadto sa mga wala pay DQR nga magparehistro na ayha hingpit nga sugdan ang pag-scan niini.
Gitataw sab sa opisyal nga aduna na silay mga personahe nga gibansay sa pag-scan sa mga DQR ilabi na kadtong anaa sa mga checkpoint diin 24 oras sumala pa nila kini nga himuon.
Pahayag ni Pol. Col. Kirby John Kraft, director sa Davao City Police Office (DCPO)
