DAVAO CITY – Gibutyag sa Southern Philippines Medical Center (SPMC) nga kaya na niini nga mo proseso og 2,000 Specimen alang sa COVID-19 testing matag adlaw.
Sumala sa pamahayag ni SPMC OIC Dr. Ricardo Audan Jr., paspas na ang buhatan sa pagproseso sa specimen sa COVID-19 gumikan mukabat na kini sa 2,000 specimen kung itandi kaniadto nga anaa lamang sa 1,000 specimen matag adlaw.
Dugang sa opisyal, kini gumikan matud pa sa mga gipang donar ingon man mga bag-ong gipamalit nga medical supplies batok COVID-19 lakip na sab ang mga bag-ong hired nga mga medical staff nga nagaproseso sa nahisgutan.
Gipaningkamutan sab sa buhatan nga maproseso ang gipunting niini nga 3,000 specimen matag adlaw aron mas mapadali pa ang paggawas sa resulta sa COVID-19 test.
