Gisuportahan ni Budget Secretary Amenah Pangandaman ang mga economic managers sa panawagan nga i-ban ang Philippine Offshore Gaming Operations (POGOs) sa nasud.
Gipahayag sa opisyal nga wala kinahanglana sa Pilipinas ang nahisgutang sektor.
Si Pangandaman ang pinakabag-ong cabinet member ang nagpadayag nga dili kini pabor sa operasyon sa offshore gambling companies sa nasud.
Kung kahinumduman unang nagpadayag nga dili suportado ang operasyon sa POGO sila si Finance Secretary Ralph Rector ug Socioeconomic Planning Secretary Arsenio Balisacan.
Dugang gipahayag ni Sec. Pangandaman nga gamay nga kantidad lamang ang nakuhang kita gikan sa POGO nga anaa sa P40 hangtod sa P50 billion.
Gawas sa mga economic managers, gisuportahan usab sa pipila ka magbabalaod ang panawagan nga i-ban ang POGO sa nasud.
Samtang sa kabahin usab ni House Speaker Ferdinand Martin Romualdez, gusto niini ang mas hugot nga law enforcement inay ang pagpatuman sa total ban sa mga offshore gaming companies.
