DAVAO CITY – Hingpit na nga napalabang sa City Council sa pinal nga pagbasa ang pag-amyenda sa 2017 Revenue Code, partikular na ang service charge sa garbage collection.
Kahinumduman nga gipalabang sa committee on finance, ways and means, and appropriations ang amendments nga paubsan ang tipping fee gikan P3 per kilo ngadto P2 per kilo sa basura nga gilabay sa sanitary landfill sa Barangay New Carmen, Tugbok District.
Tipik lamang kini human nga mireklamo ang grupo sa private trash haulers ug recyclers kalabot sa P3 tipping fee sa sanitary landfill.
Sumala pa kang Andre Bucu sa ABB Scrap Green Solutions, nga ang P3 per kilo tipping fee nga pinasikad sa Revised Revenue Code of 2017 ang sobra lamang kataas ug posibleng dili sila makapadayon sa ilang operasyon.
Una ng gisugyot sa grupo nga ipautman lamang ang tipping fee nga P1 per kilo o adunay monthly service charge nga P10,000.
Apan ang gi-aprubahan karon sa komite mao ang P2 tipping fee.
Kahinumduman nga ang private trash haulers una ng gikomisyon sa city government aron nga mangolekta ug basura gikan sa mga private subdivisions, shopping malls, ug uban pang commercial establishments.
