Gikanayon ni Manny Pacquiao nga hapit na silang magkasabot sa usa ka rematch batok sa kanhing boxing legend nga si Floyd Mayweather.
Kahinumduman nga ang duha unang nag-atubang niadtong 2025 sa gitawag nga “Fight of the Century”, diin midaug si Mayweather pinaagi sa unanimous decision human sa 12 rounds.
Gibutyag ni Pacquiao nga anaa siyay shoulder injury sa maong sangka, ug sa 2018 unang gibutyag nga dili siya makapahulay sa pagboksing nga walay giisip tungod sa maong kapildihan.
Pagkahuman sa iyang pagretiro niadtong 2021, mibalik si Pacquiao sa ring niadtong Hulyo aron atubangon si WBC welterweight champion Mario Barrios, nga natapos sa majority draw.
Sumala pa ni Pacquiao, ang kampo ni Mayweather karon nag-areglo na sa rematch, nga posible nga pagahimoon sa Las Vegas.
Samtang si Mayweather, nakatakda usab nga makigboksing kang Mike Tyson, 59, sa usa ka exhibition fight, apan wala pa’y klaro ang eksaktong petsa.
