Nangayo ug manual recount si detained pastor ug senatorial candidate Apollo Quiboloy, homan kini ang nakapwesto sa ika-31 sa pinakaulahing tally sa Commission on Elections (COMELEC) nga adunay mosobra sa 5 milyon ka mga boto.
Gipahayag sa legal counsel niini nga si Atty. Israelito Torreon, gihimo ang nahisgutang panawagan gumikan na usab kuno sa mga report nga mga iregularidad susama sa discrepancies sa election returns, dili magkatugmang firmware versions ug mga kaso sa overvoting. Gikanayon usab ni Atty. Torreon nga dili kini pagsupak sa proseso sa poll body apan usa ka lakang kuno aron mapalig-on ug maseguro ang tinuod nga tingog sa katawhan.
Kahinumduman nga si Quiboloy mao ang lider sa Kingdom of Jesus Christ ministry nga kasamtangang nabilanggo samtang nag-atubang sa mga kasong child ug sexual abuse ug human trafficking sa Pilipinas ug Estados Unidos.
