DAVAO CITY – Pabayron una ug towing fee nga kantidad sa P1,500.00 ang mga nanag-iya ug sakyanan ayha nila makuha pagbalik ang ilang mga unit.
Kahinumduman nga ubay-ubay nga mga sakyanan nga nakaparada daplin sa kadalanan ang gi-towing sa City Transport and Traffic Management Office (CTTMO) ug gipang-impound sa ilang buhatan human nga pakyas ang mga nanag-iya niini nga dili iparada ang mga sakyanan sa dalan nga gisubay sa parada kagahapong adlawa.
Sumala lang CTTMO head Dionesio Abude, wala nagkulang ang ahensiya sa pagpahimangno sa mga nanag-iya ug establisyemento nga dili mamahimong babagan ug mga sakyanan ang mga kadalanan.
Tumong sab sumala pa sa ilang nahimong lakang nga dili mosamut ug kahuot sa mga kadalanan ilabi na nga nagpahigayon sab sila re-routing atol sa kasaulogan sa Araw ng Dabaw kagahapong adlawa.
